صاحبي المعرس

صاحبي المعرس

علاء،25 سنا

قبل كنت ديما نصوحب رجال في الاخر نفيق بيهم الي هوما معرسين. نسألهم كانهم معرسين ببنات لزبيانات juste باش يكاموفليو أما نفيق الي هوما معرسين ببنات hétéro. فما حكاية متع واحد معرس ماننساهاش جملة بايت بحذاه ومافيباليش ألي هو معرس مرتو وقتها مشات vacances تبحر مع famille وهو ماهوش في كونجي ويحب يبروفيتي خاطر مرتو ماهيش في الدار. في وسط السهرية قمت مشيت لsalle de bain لقيت des brosses à dent متع صغار و برشة حاجات أخرين أما كي تدخل للدارمالاول ماتفيقش بيها دار famille خاطر خبا كل شي باش مانفيقش. رجعتلو سألتو ياخي أنتي معرس’ وجهو تقلب وقالي مانا كنا عاملين جو فاش قام تسأل فيا معرس ولاّ لا وحكالي كيفاش دارهم عملو عليه pression باش يعرس بمرا اختاروهالو هوما وفرضو عليه الجوجمة متع العرس الكل.
.أنا كي نخمم في الحكاية هاذي نقول مستحيل نعمل هكا خاطر نراهاعيشة misérable و للمرا الي باش ناخوها زادا عيشتها باش تكون أتعس مني ببرشا. هاذي تتسمى خيانة

.المرا يبدا ماشي فيبالها الي هي عندها une vie de couple أما في الحقيقة كلو كذب. الراجل يحرم روحو من حياتو العادية و االمرا تتحرم من راجل يحبها وشاهيها

.فما كذبات صغار ينجمو يمنعونا أما فما زادا الي يدمرولنا حياتنا

.أنا مانحبش نحط روحي في وضعية كيما هكا مانحبش ناخو مرا hétérosexuelle و نعدي حياتي نكذب عليها

Scroll