الخطبة متاعي

علي،36 سنا، ناشط جمعياتي

الحكاية بدات عام 2010. عملت أكبر غلطة في حياتي. خطبت ال cousine متاعي وركبتلي على الصغار.وقررت باش نعرسو أنا وياها. عايلتي الكل بقات باهتة فيا حتى أمي ماصدقتنيش

دخلت في دوامة و كي تدخل في دوامة ماعات ترا شي
شريت خاتم و bracelet و منقالة وماتابعهم ...صرفت 8 ملاين
كذبت على روحي و بقيت نكذب على روحي عامين كاملين الي أنا باش نعرس.
قبل العرس ب4 شهور ساي ماعادش نجم نزيد حتى درج عملت dépression .وقتها حبست كل شي

حكيت مع الfiancée متاعي و قلتلها نوقفو كل شي و راهي عيشتنا ماهاش كيفكيف
عمي قالي ألي هو عارفني مالاول مانيش متاع عرس
أنا عمري لا كذبت على خطيبتي و هي تعرف ألي أنا bi
.أما كنت نكذب على روحي كي صدقت ألي العرس باش يبدللي كل شي و الي باش نولي كيما الناس

Scroll