أختي

أختي

قيس،22 سنا،الفنون، طالب

أنا حياتي بكلها كذبة .لقيت روحي obligè نكذب حياتي كاملة باش نتقبل باش نعيش كيما الناس. donc عمري لاقلت لبابا و أمي الي أنا homo توة عندي مدة مالي نعيش في فرانسا باش نقرى أما زادا باش نجم نعيش حر. الصيف هذا روحت و قررت نحكي كل شي لأختي ياخي تصدمت . فهمتها بالخايب .بالنسبة ليها l'homosexualité حاجة ماهيش موجودة والي هي جوست نزوة عابرة والي باش نفيق على روحي ويرجعلي شاهد العقل .بعد كي جيت نخمم فالي صار بيني و بين أختي لقيت ألي هي زادا رصاتلها تكذب على دارنا و تخبي عليهم في حياتي الجنسية و تحطت في نفس الوضعية الي أنا فيها و تلزت هي زادا تكذب.

à part l'homosexualité كي نبداو في الدار نحكيو في presque في كل شي خاطر دارنا يتسماو ouvert ماما ديما تنصحنا و تقلنا أحميو رواحكم البسو capote ماتصوحبش الي يجي و رد بالك مالبنات. نتفكر مرة قالتلي الكلام هذا وأحنا قاعدين التلاثة ناكلو عالطاولة ياخي أختي خزرتلي و تبسمت خاطر قالت بينها و بين روحها الي مالناحية هاذي مافماش علاش باش تخاف عليه.

Scroll