أصحابي لكل يعرفو الي أنا homo أما دارنا ما فيبالهمش ياخي مشيت عملت حاجة صعبتلي حياتي باش نسهل حياة ماما الي نهار وليل تحكيلي عالعرس و الfamille و الصغار و الي هوما حاجة لازمة للي قررت نلقا حل فرد مرة وقلت نعرس بواحد gay باش ماما ترا الي تحب عليه لوجت على واحد يقبل يعمل هكا و قلت صعيب كان نجم نجيب صغير من غير عرس تي فضيحة ومستحيل نكون lesbienne و نجيب صغير كهو لوجت على واحد باش نعملو mariage blanc عرس عالورق. الحكاية لكلها مسرحية حكيت لماما الي أنا تعرفت على واحد سامباتيك و باش نعرس بيه même pas سألتني نحبو ولا لا أما فرحت خاطرني باش نعرس.
أما أنا كنت نخمم كيفاش باش نعمل كي نحب نجيب صغير و خممت نمشي نشوف donneur anonyme vu ألي أنا نعيش لبرا و بعد تاو نقول للناس لكل ألي أنا وراجلي ماتفاهمناش و كل حد يمشي على روحو.
توا عندي قريب العام ملي عرست وأنا وراجلي مانعيشوش مع بعضنا أما حد مافيبالو وهاذي أكبر كذبة تلزيت نكذبها في حياتي والي هي ماكانتش حاجة ساهلة حتى طرف. نفسيتي تعبت برشا كي تلزيت نعمل هكا خاطر الحقيقة أنا معنديش حتى مشكلة مع روحي أما رصاتلي نعمل هكا خاطر نعيش في بلاد متعطيكش حريتك بالنسبة ليا الي صارلي حاجة تشبه للأغتصاب.
يتعاملو معايا كايني مجرمة والي هو موش صحيح ذنبي ألي أنا مانحبش الرجال و يعجبوني البنات أما في تونس النوع هذا متع المحبة جريمة والي هي حاجة غالطة أما جوست هو نوع اخر مالمحبة.
أنا حبيت نلقا حل باش يرضي الناس لكل و من غير مايسبب ضحايا. و حبيت كي نجيب صغير نجم نداويه و يبدا عندي apparence sociale .أما نعرف ألي الثنية الي اخترتها باش تكون طويلة برشة والي باش نكمل حياتي الكل وأنا نكذب.ولدي برك موش باش نكذب عليه و باش نحكيلو الحقيقة.
